Guiao nasagmuyo pag-atras ni Aguilar

CEBU, Philippines - Nasagmuyo si Burger King Whoopers head coach Yeng Guiao sa kalit nga pag-atras ni 2009 No.1 draft pick Japeth Aguilar ug dili na moduwa sa iyang koponan alang sa umaabot nga 35th season sa Philippine Basketball Association (PBA) nga buksan karong Oktubre 11.

Matud pa ni Guiao nga nakugang siya human niya masayri nga dili na modayon sa pagduwa ang 6-foot-9 forward sa Whoopers.

Gisaysay ni Guiao human sa ilang pag-abot gikan sa China, nanawag pa kaniya si Aguilar ug nangutana kun kanus-a siya magsugod og ensayo uban sa Whoopers.

Gihimakak ni Guiao ang pasangil sa kampo ni Aguilar nga usa sa rason og nganong wala mopirma si Aguilar sa kontrata alang sa Burger King mao ang limitadong playing time nga gihatag ni Guiao ni Aguilar sa miaging FIBA-Asia didto sa China.

Gipasabot ni Guiao nga wala kaayo niya mahatagi og taas nga playing time si Aguilar tungod kay aduna kini hilanat ug ila kining gitago sa mga kadagkuan sa FIBA aron dili i-quarantine ang tibuok RP

Team.

Nahinugon si Guiao tungod kay

mas mabaid unta ang abilidad ni

Aguilar sa iyang pagduwa sa PBA itandi sa hukom niini nga moduwa alang sa

Smart-Gilas Pilipinas sa Samahang Basketbolista ng Pilipinas. - Lemuel P. Maglinte (BANAT NEWS)

Show comments