Solidarity meeting himuon karon

CEBU, Philippines - Usa ka solidarity meeting ang gipatawag sa organizers sa Milo Little Olympics-Visayas karong adlawa diha sa Cebu City Sports Center.

Malambigit sa maong kalihukan mao ang tournament managers, coaches ug school representatives.

Mga lagda ug regulasyon sa maong kalihukan maoy usa sa mga butang nga tukion karong adlawa.

Ang duha weekend nga kompetisyon pormal nga sugdan karong Septiyembre 4. Ang ubang mga petsa

sa duwa unya sa Septiyembre 5-6 ug Septiyembre 12-13.

Ang top performers sa nagkalain-laing regional eliminations maoy magsangka sa labing unang Milo Little Olympics National Finals nga gikatakda karong Oktubre

23-25 dinhi gihapon sa Sugbu.

Ang kompetisyon nga gipaluyohan sa Nestle Philippines adunay 10 ka Olympic events nga naglakip sa athletics, badminton, chess, football, gymnastics, lawn tennis, swimming, table tennis, taekwondo ug volleyball.

Ning tuiga, adunay gipuno nga duha ka events ug kini mao ang scrabble sa elementary division ug sepak takraw sa high school division. - Yoyo R. Abayan (BANAT NEWS)