CEBU, Philippines - Series 2009 karong Domingo diha sa South Road Properties (SRP) sa barangay Mambaling, ning siyudad.
Kapin sa 100 riders ang gipaabot nga mopakita sa ilang abilidad sa pagsikad sa 5th Underbone RallycrossMga bisitang koponan gikan sa Dipolog, Dumaguete ug Bohol ang nikompirmar na sa ilang partisipasyon.
Gilaumang mosalmot sa maong lumba mao ang sixth rank motocross rider sa tibuok Asia Pacific nga si Jonjon Adlawan, kinsa mopakita'g aksiyon sa expert ug special event divisions.
Gituyo namo nga anha sa SRP ipahigayon ang off-road racing tungod kay haom kini alang sa mga riders nga nangita og lahi nga matang sa race track, matud pa ni race director Edsel Odulio sa press conference kagahapon diha sa Family Choice Restaurant sa Gaisano Country Mall.
Ang tinuig nga kompetisyon gibahin sa duha ka kategoriya -- motorcross ug underbone races nga gilangkuban sa lima ka dibisyon nga mao ang expert, novice, beginners, veteran ug special event.
Gipahibalo sab ni Rico Gonzales, ang Evvolve Marketing representative nga mohatag sila og ganting salapi alang sa mga mananaog ug ingon man mga tropeyo ug mga produkto sa PTT Lubricants
Ang kampiyon sa expert division mobulsa og P5,000, samtang ang modaog sa novice ug special events makadawat og P2,500 ug ang makampiyon sa beginners makaangkon og P2,000. –BANAT NEWS