CEBU, Philippines - Napulog lima (15) ka paresan ang magbinukbukay sa Atan Guardo Amateur Boxing Tournament nga mahitabo karong gabii diha sa Inayawan Sports Complex
Si Allan Torrevillas executive director sa Cebu Sports Organizing Committee (GCSOC) nagkanayon nga bukas ang torneyo alang sa bisan kinsang amateur boxers nga gustong mosalmot.
Gihimakak usab ni Torrevillas ang pasangil nga pamolitika ang rason sa pagpahigayon nila sa maong torneyo. Gipasabot ni Torrevillas nga ang maong torneyo bukas sa tanan nga buot mosalmot.
Mga boksidor gikan sa Talisay, Mandaue, Liloan ug sa mga lalawigan sa Sugbu ang mopakita karon sa ilang abilidad aron makaangkon og kahigayonan nga ma-train ni Nonito 'Dodong' Donaire Sr., amahan ni world boxing champion Nonito Donaire Jr.
Gipahibalo usab ni Torrevillas nga human sa Inayawan, ang torneyo dad-on ngadto sa Mambaling karong Agosto 26. (THE FREEMAN)