CEBU, Philippines - Mikutlo sa ilang ikaduhang sunod-sunod nga daog ang AC Sports ni Archie Baba human nila panamastamasi ang BOAL, 82-65 sa San Nicolas Basketball Association (SNBA) 2009 season diha sa Sawang Calero Sports Complex sa barangay San Nicolas, ning siyudad.
Sayo kaayong nanginit ang AC Sports ug miposte kini og 42-25 nga labaw atol sa halftime luyo sa tandem nilang power forward Ulysses Tigbas ug top center Randy Cabañero.
Ang Sportsmasters padayong nag-igo sa ilang tirada sa second half aron pagselyado og 17 puntos nga kadaugan.
Si Noel Flordeliz maoy nangulo sa AC Sports sa iyang 17 puntos, gisundan ni Cabañero nga adunay 16 puntos. Si Tigbas mitampo og 15 puntos, samtang si Danny Estrera ug Baba mihirit og 10 puntos matag usa.
Sila si Arthur Santillan ug Eugene Alfar mikulit og 14 puntos matag usa alang sa BOAL nga nagbitbit og 1-1 nga baraha.
Puntos Matag Usa
AC Sports (82) - Flordeliz 17, Cabañero 16, Tigbas 15, Estrera 10, Baba 10, Surmion 6, Yap 4, Anticristo 2, Macarat 2
BOAL (65) - Santillan 14, E. Alfar 14, Parido 7, Mananquil 6, P. alfar 6, Escare 6, De dios 4, Salinas 4, Sanjorjo 2, Matabalan 2. – BANAT NEWS