TBA mimakmak sa McMill sa Cadungog-Lao cagefest

CEBU, Philippines - Gileksiyon sa Tejero Bible Academy ang McMill pinaagi sa paglubong, 96-69 sa nagpadayong Tejero Youth Basketball Organization (TYBO) Cadungog-Lao Basketball Tournament 2009 diha sa Tejero Sports Complex.

 Si Frederick Brigoli mipabuhagay og 26 puntos, samtang si Jehu 'Gonggong' Lumantas mipitik og 17 puntos aron pangulohan ang nagpungasi nga atake sa Tejero Bible Academy nga miabante og 21 puntos sa halftime, 45-24.

Sa laing bahin sila si Mac-mac Bande ug Jojo Moreno nga nagkumboya og 34 puntos mao sab ang nangulo sa McMill.

Sa laing duwa, ang Dharen’z miposte sab og daog human nila gipakaging ang Aying Sports Wear sa iskor nga 61-55.

Si Francis Cirujano maoy topscorer sa Dharen’z sa iyang 12 puntos, gisundan ni Cris Fernandez nga adunay 10 puntos, samtang si Edu Mollena mipabuto og 21 puntos aron pangulohan ang naparot nga Aying Sports Wear. 

Puntos Matag Usa

Unang duwa:

TBA (96) - Brigoli 26, Lumantas 17, Viernes 12, Manukil 11, Galon 6, Galon 5, Gera 5, Clarete 3, Berong 2, Cantillas 2, Languido 2

McMill (69) - Bande 19, Mordeno 15, Concepcion 12, Vega 10, Paca 8, Avila 6, B. Paca 4, Urbayan 4, Arcenal 2

Ikaduhang duwa:

Dharen’z (61) - Cirujano 12, Fernandez 10, Alferez 8, Monacillo 7, Gabutan 6, Nacua 6

Aying Sports Wear (55) - Mollena 21, Lim 15, Aunzo 9, Baya 8, Tenchavez 2. – BANAT NEWS