Atan Guardo, Yayoy's Grill mikulit daog sa USCBHABA

CEBU, Philippines - Miugkat na sab og laing daog ang Atan Guardo '93 ug ang Yayoy's Grill and Resto Bar human gipilde ang tagsa-tagsa nila ka kaatbang sa 2009 University of San Carlos Boys High Alumni Basketball Association (USCBHABA) Atan Guardo Barkadahan Cup Second Conference diha sa USC North Campus gym.

Ang Atan nagsalig sa ilang naglagiting nga kainit sa nanghinapos nga bahin sa duwa aron paglatos sa igsuong koponan Athan '92 sa iskor nga 86-74, samtang ang Yayoy's Grill mihaon og daog batok sa Slima '96 sa iskor nga 76-66.

Sikit kaayo ang kumbati sa duha ka kampo nga miresulta sa panagtabla, 44-all sa halftime, apan ang Atan Guardo nanginit sab sa katapusang duha ka kuwarter diin milusad kini og 19-11 nga rally sa nanghinapos nga bahin sa duwa aron maangkon ang 12 puntos nga kadaugan.

Sa laing bahin, ang Yayoy's Grill kanunay naggukod lakip na ang singko puntos nga alkanse sa halftime, 31-36, apan nakabawi kini sa third quarter aron ilogon ang momentum, 53-45.

PUNTOS MATAG USA

Unang duwa:

Atan Guardo (86) - Jumao-as 18, Toledo 17, Regidor 13, Alonzo 11, Eleazar 10, Elumba 6, Nunez 5, Vargas 2, Colinares 2, Soon 2

Athan (74) - Olvido 28, De Leon 21, Perales 11, Tan 11, Laxa 3

Ikaduhang duwa:

Yayoy's Grill (76) - Ruiz 17, Perez 11, Alcoseba 10, Gabatu 10, Move 9, Llanto 7, Bulang 4, Tan 4, Moran 4

Slima (66) - Taborada 25, Saliz 17, Chiongbian 9, Baldoza 6, Lerio 5, Llenos 2, Mateo 2 (BANAT NEWS)