CEBU, Philippines - Ang Lai Garden ni playing coach Dr. Boy Te mimakmak sa Aqua Serv ni team owner Botskie Aniñon, 84-77 aron pagsakmit sa titulo sa 9th Guadalupe Athletic Association (GAA) Founder’s Cup basketball tournament diha sa Guadalupe Sports Complex.
Si Chito Hernandez nagmangtas ug wala kini kapugngi, apan ang mahinungdanong baskets naggikan ni Vincent ‘Inteng’ Reyes, kansang three point shot sa nahabiling 1:13 sa duwa maoy nibaraw sa tinguhang kadaugan sa Aqua Serv.
Si Reyes, kinsa maoy napiling player of the conference maoy nangulo sa Lai Garden uban ang 18 puntos, samtang ang MVP awardee nga si Allan Ricaña miamot og 13 puntos. Si Melvin Jimenez mi-iskor
og 14 puntos, gisundan ni Hernandez sa iyang 12 puntos ug Edgar Labra nga adunay 11 puntos.
Si Gerald Cainglet, ang maguwang sa beteranong commercial cager Alex Cainglet, maoy topscorer sa Aqua Serv pinaagi sa iyang 20 puntos, samtang si Bagtong Miñoza miamot og 18 puntos.
Mao kini ang ikaduhang korona ni Te sa GAA ning tuiga. Ang unang titulo atol sa ilang paghari sa Cebu Movers System.
Sa sayo pa, si Joselito Ocampo mipupo og 18 puntos alang sa Triple R Triple E, kinsa mipukan sa J-Art, 73-63 aron pagpahiluna sa ikatulong dapit.
PUNTOS MATAG USA
Unang duwa:
Triple R Triple E (73) - Ocampo 18, Lopez 13, Gabutan 10, Pacaña 10, Rama 6, Fernandez 5, Tablada 4, Paran 1
J-Art (63) - Noel 21, Gabunada 14, Gabucan 11, Alesna 8, Delda 7, Condes 2
Ikaduhang duwa:
Lai Garden (84) - Reyes 18, Jimenez 14, Ricaña 13, Hernandez 12, Labra 11, Cuizon 6, Monternel 5, Te 4, Lesmes 2, Bacalla 2
Aqua Serv (77) - Cainglet 20, B. Miñoza 18, Miñoza 9, Fernandez 8, Lebenza 5, Warbol 5, B. Aniñon 5, Edpaj 4 (BANAT NEWS)