Team Pilipinas gipatapsingan sa South Korea
CEBU, Philippines - Laing sakit nga kapildehan ang natagam-taman sa Powerade Team-Pilipinas dihang gipatapsingan sila sa South Korea, 82-80, sa katapusan nilang duwa sa 25th FIBA Asia Men’s Championship didto sa Tianjin , China .
Si Yang Dong-Geum nipasulod sa iyang winning lay-up sa nahibiling 1.7 segundos aron aswatun ang South Korea sa kadaugan batok sa Team Pilipinas kinsa nitapos sa torneyo sa ikawalong dapit sa standing.
Ang sentro sa South Korea nga si Oh Sekeun miposte og 31 points ug milangkat og 10 ka rebounds aron pangulohan ang iyang koponan.
Si Cyrus Baguio ang nangulo sa RP team sa iyang 17 puntos, lakip na niini ang iyang tres nga maoy naghatag og 80-78 nga labaw sa iyang koponan sa nahibiling 1:15 sa duwa apan ang sinaligang point-guard nga si Jayjay Helterbrand igo lang nakapasulod og usa sa iyang unom ka tira ug si James Yap nga nitampo lang og tres puntos sa duwa.
Puntos matag usa
S.KOREA (82) – Oh 31, Kim 15, Kang 10, Lee 9, Yang HJ 9, Yang DG 6, Lee DJ 2, Bang 0, Joo 0, Ha 0, Kim 0.
RP (80) – Baguio 17, Thoss 5, Raymundo 14, Dillinger 9, Taulava 9, Santos 6, Norwood 5, Yap 3, Helterbrand 2, Aguilar 0, Pennisi 0.
Quarters: 19-26; 42-43; 62-62; 82-80. - Lemuel P. Maglinte (BANAT NEWS)
- Latest
- Trending
