St. Vincent mipaluhod sa Phil. Asia

CEBU, Philippines - Ang St. Vincent nga gipangulohan ni Fury Trazuna milatos sa Phil. Asia 98-89 aron pagkulit og 4-4 nga baraha sa Saturday Club First Conference basketall tournament diha sa Brgy. Quiot Sports Complex.

Ang Phil. Asia niabante og uno punto sa halftime, 50-49, apan ang St. Vincent milusad og 35-30 rally sa ikatulong kuwarter aron ilogon ang labaw, 84-74 paingon na ngadto sa final period.

Ang Phil. Asia mihimo sa ilang katapusang rally luyo sa mga paningkamot nilang Nonie Sabandeja ug pointguard Dodoy de la Cerna, apan ang St. Vincent yano kaayong nakarekober aron maangkon ang kadaugan.

Sila si Trazuna ug Larry de la Peña maoy nangulo sa St. Vincent nga nagkumboya og 41 puntos. Si Trazuna mibugha og 25 puntos, samtang si de la Peña misugnod og 16 puntos. Laing upat ka magduduwa ang mirehistro og double figures alang sa St. Vincent.

Ang naparot nga Phil. Asia gipangulohan ni Sabandeja pinaagi sa iyang 21 puntos.

Puntos Matag Usa

St. Vincent (98) - Trazuna 25, dela Peña 16, Español 12, Ararao 12, Sevellejo 12, Peñaflor 10, McFritz 6, Matudan 4

Phil. Asia (89) - Sabandeja 21, dela Cerna 15, Medel 15, Yao 10, Undang 9, Sumambot 9, Allera 6, Llamedo 4