Team Pilipinas pakyas batok sa South Korea

CEBU, Philippines - Pakyas ang Powerade Team-Pilipinas nga maharus ang preliminary rounds dihang gipaluhod sila sa South Korea, 69-56, sa nagpadayong 25th FIBA Asia Men’s Championship niadtong Sabado didto sa Tianjin , China.

Ang duha ka koponan nga mao ang nanghawud sa Group A, pulos naglisud sa ilang opensiba apan mas nakapabor ang South Koreans tungod sa ilang three-point shots nga maoy ilang hinagiban sa pagsakmit sa 35-25 nga labaw sa halftime.

Ang South Koreans nipasulod sa 10 sa ilang 14 ka mga tira sa gawas, samtang ang team Pilipinas nga gipangulohan ni Cyrus Baguio nga mibugha og 16 puntos igo lang nakapasulod og 7 sa 21 nila ka itsa.

Niangkon ang coaching staff sa Team Pilipinas nga daku unta ang kausaban sa maong duwa kung nagamit lang nila ang 6-foot-9 nga si Japeth Aguilar kinsa wala makaduwa human kini makahiagum og injury sa ilang duwa batok sa Sri Lanka .

Apan bisan paman sa ilang kapildehan ang Team Pilipinas uban sa South Korea ug Japan moabante karon sa second round diin ilang atubangon ang Iran, Chinese Taipei ug Kuwait sa Group B karong adlawa.

Niining higayuna kinahanglan nga modaug ang Team Pilipinas aron makuha nila ang ilang pasaporte ngadto sa quarterfinals.

“We need to win at least two in our next three games to make it to the next round outright and prevent the scenario where we might play China as last placer in Group E. I think that’s doable. If we can make it three, then much better,” matud pa ni RP team head coach Yeng Guiao.

Ang Team Pilipinas masaligon nga mudaog karong adlawa sa ilang duwa batok sa Chinese Taipei kinsa nipukan kanila sa miaging William Jones Cup didto sa Taipei .

Puntos matag usa :

Korea (69) – Yang 14, Oh 11, Kim 11, Kim JS 8, Kang 7, Ha 6, Lee 6, Lee JS 2, Yang D 2, Joo 2, Bang 0..

RP (56) – Baguio 16, Pennisi 9, Taulava 7, Raymundo 6, Dillinger 5, Yap 4,

Norwood 4, Miller 4, Thoss 1, Helterbrand 1

Quarterscores: 17-14; 35-25; 51-44; 69-56. -  BANAT NEWS