LABA gibanhaw

CEBU, Philippines - Human gihaya sa kalimot sud sa tulo ka tuig, gibanhaw na sab ang Los Amigos Basketball Association (LABA) pinaagi sa pagpili og mga bag-ong opisyales alang sa tuig 2009-2010 niadtong Hulyo 31 diha sa Banilad Sports Complex sa dakbayan sa Mandaue.

Ang napiling presidente mao si kanhi CIT Wildcat Dudoy Rizane.

Uban niya mao si CCC Executive Rudy Candelada (vice president), Bro. Dong Pane (secretary), Arnold Pestaño (treasurer), Cris Ubas (assistant treasurer), Boy Dominguez (auditor), Diyoy ‘Kolins’ Colina (PRO), Nardo Lagaras, Cris Cortes, Felix Cane ug Botong Unabia (sgts. at arms).

Ang natudlo isip mga board of directors naglakip ni Banilad barangay captain Glen Bercede, Banilad barangay councilors Roy Yamomo ug Gilbert Sebandal, Nick Seno ug Paul Gallego. - Gabby G. Malagar (BANAT NEWS)