Mga tunghaan giawhag pagduso sa ilang line-up
CEBU, Philippines - Giawhag sa mga tigpasiugda sa Milo Little Olympics-Visayas ang nagkadaiyang tunghaan sa pagduso sa ilang entries bisan layo pa ang deadline sa Agosto 15 diha sa Cebu City Sports Center (CCSC).
Sa pagka karon, gamay pa ang nisumiter sa ilang line-up uban sa mga dokumento isip pruyba sa ilang tinun-ang atleta.
Ang Visayas edition sa MLO pormal nga buksan karong Septiyembre 4 diha sa CCSC.
Ang game proper gikatakda sa Septiyembre 5, 6, 12 ug 13.
Ang awarding ceremonies alang sa overall champions ug sa Most Outstanding Athletes himuon sa Septiyembre 19 sa wala pa matino nga binyu.
Gihimo og sayo ang MLO Visayas itandi sa nangaging mga katuigan gumikan kay ang Cebu mo-host sa labing unang National Championships karong Oktubre. – BANAT NEWS
- Latest
- Trending
