Teletech mikutlo laing daog

CEBU, Philippines - Mirehistro sa ilang ikalimang sunod-sunod nga daog ang defending champion Teletech Titans pinaagi sa paglubong sa Wipro, 78-66 sa 5th Inter-BPO Basketball Championships diha sa City Sports Club-Cebu gym.

Ang Titans gibiyaan og siyete puntos sa halftime sa iskor nga 29-36, apan mipahungaw sa ilang kainit sa ikatulong kuwarter aron sa pag-ilog sa momentum, 52-46.

Si Laurenz Limpangog maoy nangulo sa Teletech nga misilsil og 16 puntos, samtang sila si Erwin James Abellanosa ug Noel Clemente nagkumboya og 25 puntos.

Ang Wipro gipangulohan ni John Paul Escudero nga mao lamang ang nakakuha og double figures nga miariya og 15 puntos.

Sa laing bahin, ang Western Wats mitumba sa ICT Group sa iskor nga 59-49.

Sila si John Rivera ug Dennis Poquita maoy nangulo sa kadaugan sa Western Wats, samtang sila si Jomie Mendez ug Ellery George Ariate mao sab ang nangulo sa ICT Group nga nagkumboya og 26 puntos.

Sa lain pang aksiyon, ang E-performax milubong sa Cebu Global sa iskor nga 60-40.

Ang E-performax gipangulohan nila ni Britz Boncalon ug Raymond Dennis Tan nga parehong mibugha og 15 puntos.

Ang pilderong Cebu Global gipangulohan sab ni Michael Adam Pagdallian, kinsa midiga og 13 puntos, gisundan ni Ben Beleña nga mihirit og 12 puntos.

Puntos Matag Usa

Unang duwa:

Teletech (78) - Limpangog 16, Abellanosa 13, Clemente 12, Biano 10, Abordonado 8, Sultan 8, Laboga 4, Medija 3, Banua 2, Mata 2

Wipro (66) - Escudero 15, Garduque 8, Pestano 8, Canoy 7, San Juan 7, Taok 6, Alonzo 3, Briones 3, Gabutin 3, Ang 2, Molina 2, Perraz 2

Ikaduhang duwa:

Western Wats (59) - Rivera 12, Poquita 12, Tumakin 10, Alinson 9, Lago 5, Posas 4, Sanchez 2, Sarmago 2, Silagan 2, Montecillo 1

ICT (49) - Mendez 14, Ariate 12, Abellanosa 8, Jumarito 8, Librando 4, Lumagbas 3

Ikatulong duwa:

Eperformax (60) - Boncalon 15, Tan 15, Gabisay 7, Sargeant 6, Nebria 4, Arrieta 3, Paredes 3, Sayre 3, Bartin 2, Necesito 2

Cebu Global (40) - Pagdalian 13, Beleña 12, Quilala 8, Dorado 4, Emia 3. – BANAT NEWS