CEBU, Philippines - Miposte og daog ang Megalotto ug 24/7 Air Freight sa 2009 Guadalupe Inter-Commercial Open Slam and Jam Basketball Tournament diha sa Guadalupe Sports Complex.
Gipukan sa Megalotto ang JMA Fabricators sa iskor nga 85-71, samtang ang 24/7 mitumba sa San Remigio Beach Club (SRBC) sa iskor nga 91-83.
Ang Megalotto ni coach Manuel Famador gipangulohan ni Yester Daculan, kinsa mibahog og 28 puntos, gisundan ni Rey Potot miamot og 18 puntos. Samtang ang pilderong JMA, kinsa milusad og 24-10 nga rally sa third period gipangulohan sab ni Gastador sa iyang 25 puntos.
Sa laing bahin, si Enrico Llanto miposa og 28 puntos, samtang si Danny Aying miantog og 22 puntos aron pangulohan ang 24/7. Ang SRBC gipangulohan sab ni Espina pinaagi sa iyang 24 puntos.
PUNTOS MATAG USA
Unang duwa:
Megalotto (85) – Daculan 28, Potot 18, Almonte 10, Travero 7, Tranghia 5, Yncierto 4, Wagwag-2
JMA Fabricators (71) – Gastador 25, Lastimoso 14, Sala 14, Oyao 5, Demape 3, Armenion 2
Ikaduhang duwa:
24/7 Air Freight (91) – Llanto 28, Aying 22, Abadia 12, Garcia 12, Murillo 7, Villagonzalo 5, Alvarez 3, Flores 2, Grogaard 2
SRBC (83) – Espina 24, Hortel 23, Auditor 13, Ynoc 5, Abad 2, Boncaros 2, Mariano 2 45 (BANAT NEWS)