CEBU, Philippines - Parehong mikulit og daog ang Cavs ug Ehrin dihang ilang gipukan ang tagsa-tagsa nila ka kaatbang sa Tejero Youth Basketball Organization (TYBO) Cadungog-Lao Cup niadtong miaging adlaw diha sa Tejero Sports Complex, ning siyudad.
Ang three-point shot ni Dennis Carido sa katapusang 12.3 segundos maoy miluwas sa Cavs gikan sa mga kamot sa Dharen’z, 80-77, samtang ang Ehrin mipahagsa usab sa McMill sa iskor nga 85-70.
Si Ronron Matarlo maoy topscorer sa Cavs sa iyang 17 puntos, gisundan nila ni Jerry Maduro ug Carrido nga mipusa og 13 puntos matag usa.
Ang pilderong Dharen'z gipangulohan ni Taran, kinsa mibugha og 26 puntos, samtang sila si John Paul Nacua miamot og 10 puntos matag usa.
Sa laing bahin, sila si Gabriel Enriquez ug Eugene Viagedor nagkumboya og 29 puntos aron pangulohan ang Ehrin, kinsa misakmit sa labing una nilang daog sa liga.
Si Macmac Bande mipabuto og 17 puntos ug si Dennis Paca midunol og 15 puntos alang sa pilderong McMill.
Puntos Matag Usa
Unang duwa:
Cavs (80) - Matarlo 17, Maduro 13, Carrido 13, Re.Villasin 11, Ra.Villasin 10, Hoiko 10, Lapatha 4, Becera 2
Dharen’z (77) – Taran 26, Nacua 10, Monacillo 8, Vinalon 7, Gabutan 6, Cirujano 5, Nacario 4, Reyes 4, Padilla 3, Fernandez 2
Ikaduhang duwa:
Ehrin (85) – Enriquez 15, Eu.Viagedor 14, Casicas 13, Avila 9, Baldago 6, Baya Jr. 5, Buanghug 5, Abarquez 4, Amen 4, Er. Viagedor 2, Sales 2
McMill (70) – Bande 17, Paca 15, Arcenal 12, Benimetro 7, Vega 5, Alenton 4, Urbayan 4, Concepcion 4, Mordeno 2. - Lemuel P. Maglinte (BANAT NEWS)