Rudy Project, Dexienne subhag daog

CEBU, Philippines - Gisubghag daog ang Rudy Project ug ang Dexienne pagbukas sa Tejero Youth Basketball Organization (TYBO) Cadungog-Lao Cup niadtong miaging adlaw diha sa Tejero Sports Complex, ning siyudad.

Ang Rudy Project mipukan sa Tejero Bible Academy sa iskor nga 76-67, samtang gilubong sa Dexienne ang Wilkins sa iskor nga 80-65.

Si Francis Binondo mibugha og 19 puntos ug Alfred Brian nga mipusa og 11 puntos aron pangulohan ang Rudy Project, kinsa milabaw og 10 puntos sa halftime 43-33.

Ang pilderong Bible Academy gipangulohan ni Jabes Calon sa iyang 25 puntos, gisundan ni Merk Melan Manukil ug Jehu Hireh Lumantas nga midiga og otso puntos matag usa.

Sa laing bahin, ang 20-7 rally sa Dexienne sa third period maoy gihimo nilang pundasyon sa ilang koponan paglansang sa una nilang daog.

Sila si Mico Gallado ug Dexter Dayon nagkumboya og 31 puntos aron pangulohan ang Dexienne.

Ang managsuong Auditor nga sila si Wilkins ug Wilbur mitira og 12 puntos matag usa alang sa naparot nga Wilkins.

Ang maong liga gipasiugdahan ni Tejero Brgy. Captain Jessielou Cadungog ug sa iyang mga konsehales nga naglakip ni Joseph Galang, Garry Lao, Harold Seno, Ian Arago, Israel Batas, Virgilio Campos, Jane Camay-Jumapas ug SK chairwoman Kuh Tancinco.

Puntos Matag Usa

Unang duwa:

Rudy Project (76) - Binondo 19, Brian 11, Viagedor 10, Villaruel 9, Enriquez 8, Baya 3, Huyoa 3, Mantos 2

Tejero Bible Academy (67) - Calon 25, Manukil 8, Lumantas 8, Galon 6, Languido 4, Berong 3, Clarete 3, Gera 3, Chua 3

Ikaduhang duwa:

Dexienne (80) - Gallado 23, Dayon 8, Garbo 7, Dela Pedra 7, Flores 7, Engcot 4, Robilios 4, Ruflo 3, Arbiol 3

Wilkins (65) - Wilk. Auditor 12, Wilb.Auditor 12, T. Auditor 10, Parigla 8, Asejo 7, Mendez 6, Estrada 2, Ramil 2. – BANAT NEWS