Queensland, Slima mibuntog sa ilang kontra

CEBU, Philippines - Gipangpilde sa Queensland Stallions '99 ug Slima '96 ang ilang tagsa-tagsa ka kaatbang sa 2009 University of San Carlos Boys High Alumni Basketball Association (USCBHABA) Atan Guardo Barkadahan Cup Second Conference didto sa USC-North campus gym.

Ang Stallions milubong sa Athan '92 sa iskor nga 78-60, samtang ang Slima nakalahutay sa makutas nga kumbati batok sa

Batch '91 sa iskor nga 66-63.

Nahilis ang 22-14 nga bentaha sa Queensland sa first half hinungdan nga nailog sa Athan ang labaw sa halftime, 37-35.

Apan ang Queensland kalit nga mipabuhagay sa ilang kainit pinaagi sa paglusad og 26-9 nga rally aron ilogon og balik ang labaw, 61-46 sa katapusang 10 minutos sa duwa.

Sa laing bahin, ang Slima, mirehistro og nuybe puntos nga bentaha sa unang kuwarter, 22-13. Ang Batch '91 hinay-hinay nga mikitkit sa labaw, apan ang Slima dali kaayo nga nakahimo og kausaban aron maangkon ang kadaugan.

Ang 2009 USCBHABA gipaluyohan sab sa Uniherb Philippines, usa sa nag-unang health companies sa nasud nga tiggama sa nabantog nga food supplements sama sa Arthro, Kidneycare, Diabet, Heartvit, Eyeberry, Athan, Hardman ug Slima.

Puntos Matag Usa

Unang duwa:

Queensland (78) - Alcarde 21, Villamor 20, Osorio 15, Rosito 7, Lauron 6, Opsima 4, Navarrosa 2, Rama 2, Perez 1

Athan (69) - De Leon 23, Olvido 21, Tan 6, Perales 6, Alcover 4

Ikaduhang duwa:

Slima (66) - Taborada 22, Saliz 18, Espinosa 11, Llenos 6, Mulchandani 6, Mateo 3

Batch '91 (63) - Toledo 20, Arong 16, Asignar 10, Patindol 9, Suico 4, Salgado 2, Villagonzalo 2. – BANAT NEWS