Fun Run nasumpo
CEBU, Philippines - Nasumpo ang Fun Run nga gihanduraw sa MetroSports Center nga alang sa kapuslanan sa City Task Force for Street Children niadtong Domingo tungod sa mangil-ad nga panahon.
Gumikan niini, si MSBC manager Christine Bernardo mihukom nga i-uswag ang lumba ugma, Agosto 2.
"Afterall, we have originally scheduled this activity for four consecutive Sundays," matud pa ni Bernardo.
Nagtapok na unta ang mga dinapit, mga miyembro sa kahugpongan ug ubang mga kawani sa J. King nga andam mahumod. Apan si Bernardo nangusog nga dili idayon ang lumba aron dili makaangkon og kadaot ang partisipante tungod sa kadangog sa dalan.
Gimandoan hinuon ang mga fun runners sa pag-adto sa Crown Regency Hotel and Towers alang sa breakfast buffet nga apil sa nabayrang P350 sa mga partisipante. Laing pakapin naglakip sa fun run t-shirts usa ka botelyang mineral water alang sa tanang opisyal nga mga entrante.
Mga giveaways gikan sa mga sponsors ang gipangtahag pinaagi sa ripa.
Nakadawat og gift item matag usa gikan sa converse mao sila si AV Zapanta ug Steve Matrix. Ang Prana Medispa free coupons napunta ngadto ni KC sa Human Resources Department ug Romeo Amora. Ang top prize nga overnight stay sa Boracay nadaog ni Roberto Acha.
Ang MetroSports Fun Fun gipaluyohan sab sa Smart, Lipovitan, Pagcor, Coca-Cola, Zest Air, DyAR Sunshine Radio 765, The Freeman, Sunstar ug McDonalds. – BANAT NEWS
- Latest
- Trending
