CEBU, Philippines - Nakalingkawas ang MisOr Meteors pinaagi sa pag-iskor og 84-82 nga kadaugan batok sa Trace-Laguna Stallions aron pag-abante sa finals sa Cebu leg sa Smart-Liga Pilipinas pre-season games kagabii diha sa Cebu Coliseum.
Mga Duwa Karon(Cebu Coliseum)
5:00 pm -- Cebu Landmasters vs. Trace-Laguna
7:00 pm -- MisOr vs. M. Lhuillier
Ang Meteors miposte og 13 puntos nga bentaha paghuman sa unang kuwarter sa iskor nga 26-13, apan ang Stallions mibawos pinaagi sa paglusad og 23-10 nga rally sa ikaduhang kuwarter nga nakapatabla sa duwa sa halftime, 36-all.
Hinuon, naangkon og balik sa Meteors ang 12 puntos nga labaw, 62-50, apan ang Stallions mipasiugda na sab og 17-2 nga rally aron ilogon ang labaw, 67-64 sa nahabiling siyete minutos sa duwa.
Ang Meteors mibawos pinaagi sa pagpabuto og 17-8 run aron ilogon og balik ang labaw, 81-75 sa katapusang dos minutos sa duwa.
Ang Stallions mihulga sa katapusang higayon sa iskor nga 82-84 sa daginutong oras sa duwa.
May purohan unta nga modaog ang Stallions, apan mikagar ang 3-point shot Ricky Ricafuente dayon kahurot sa oras.
Si Lyndon Gudez maoy topscorer sa Meteors nga mipabuto og 13 puntos, samtang sila si Mark Moreño, Melvin Mamaclay ug Patrick Cabahug mitimbre og 11 puntos matag usa alang sa maong kadaugan.
Puntos Matag Usa
MisOr (84) – Gudez 13, Moreño 11, Cabahug 11, Mamaclay 11, Rañeses 10, Muños 7, Butel 6, Daja 5, Numeran 4, Kong 2, Clavel 2, Sanchez 2
Laguna (82) – Gaco 25, Sanz 20, Ricafuente 18, Grijaldo 11, Tolentino 4, Capati 4. – BANAT NEWS