Convergys 3-0 na's BPO caging

CEBU, Philippines - Mikulit sa ilang ikatulong sunod-sunod nga daog ang Convergys pinaagi sa pagpukan sa Qualfon, 57-50 sa 5th Inter-BPO Basketball Championships diha sa City Sports Club-Cebu gym sa Cebu Business Park.

Sila si Venerando de la Peña Jr. ug Kristian Tapic maoy nangulo sa Convergys nga nagkumboya og 29 puntos. Si De la Peña mirehistro og 15 puntos, samtang si Tapic milansang og 14 puntos.

Ang pilderong Qualfon gipangulohan ni Jopher Regidor, kinsa miposa og 18 puntos, gisundan nilang Benjamin John Sanchez ug Ryan Ignacio nga nagkumboya og 20 puntos.

Sa laing bahin, ang E-Telecare Global Solutions, miagi pa og kalisud una maangkon ang 55-53 nga kadaugan batok sa ICT.

Si Geneking Mercader maoy topscorer sa E-Telecare sa iyang 15 puntos, gisundan ni Roderick Mangubat nga adunay 10 puntos.

Si Jomie Mendez mao sab ang nangulo sa naparot nga ICT nga mibugha og 17 puntos.

Sa lain pang duwa, ang Dipro miinat sa ilang baraha ngadto sa 2-1 human gipilde ang Calltek sa iskor nga 60-52.

Si Ronald Capoy maoy nangulo sa Wipro pinaagi sa iyang 18 puntos, samtang si Mark Louise Gellez mao sab ang nangulo sa pilderong Calltek sa iyang 15 puntos.

Puntos Matag Usa

Unang duwa:

E-Telecare (55) - Mercader 15, Mangubat 10, Burgos , 9, Basto 7, Alvarez 5, Becerial 3, Cruz 3, Cabrera 2, Arce 1

ICT (53) - Mendez 17, Ariate 15, Abellanosa 11, Momongan 3, Tan 3, Kahulugan 2, Lumagbas 2

Ikaduhang duwa:

Wipro (60) - Canoy 18, Pestano 15, Juan 10, Alonzo 4, Gardoque 4, Taok 3, Escudero 2, Ferraz 2, San Dales 2

Calltek (52) - M. Gellez 15, Fernandez 13, J. Gellez 12, Arroyo 7, Gabuya 2, Uy 2, Paraguya 1

Ikatulong duwa:

Convergys (57) - Dela pena 15, Tapic 14, Esteban 9, Sugatan 6, Codilla 5, Pajo 4, Garnace 2, Ngo 2

Qualfon (50) - Regidor 18, Sanchez 11, Ignacio 9, Andone 4, Llesol 3, Caballero 2, Mangubat 2, Ligan 1. – BANAT NEWS