2009 Guadalupe Inter-Commercial Open basketball tourney buksan na

CEBU, Philippines - Ang gipaabot nga 2009 Guadalupe Inter-Commercial Open Basketball Tournament buksan karong adlawa diha sa Guadalupe Sports Complex.

Adunay walo ka teams ang kompirmado nga mosalmot sa maong kompetisyon nga gipangulohan sa 2009 Dino Faelnar Cup champion Augla Hardware.

Lain pang koponan nga mosalmot ning duha ka bulan nga kompetisyon naglakip sa Ave Maria Sanctuary Park, Asian College of Technology, Team Pacman, University of Southern Philippines Ex-Varsity Selection, San Remigio Beach Club, 24/7 Convenience Store, Coach Mark Tallo Team ug ang Mandaue

Selection.

Gipasiugdahan ni commercial player ug commissioner Alex Cainglet sa abag nilang deputy commissioners Lito Posadas ug Jojo Cainglet, ang liga migahin og P40,000 nga ganting salapi alang sa nag-unang tulo ka mananaog.

Gawas sa tropeyo, ang kampiyon makadawat og P25,000, ang second placer makaangkon og P15,000 ug ang third placer mobulsa og P10,000.

Ang mapiling MVP mobulsa og P1,500 ug tropeyo. – BANAT NEWS