CEBU, Philippines – Laing Sugbuanong seklista nga si John Rene Mier ang nakalusot ngadto sa nasudnong koponan.
Sa dili madugay, ang iyang kusog masukod dihang naapil siya isip usa sa mga representante sa nasud alang sa 16th Asian Junior Cycling Championships karong Agosto 15-20 didto sa Indonesia.
Nakakuha og luna sa RP Juniors tungod sa iyang impresibong performance sa team’s final try-out niadtong miaging semana didto sa kaulohan.
Si Mier, tinun-an sa Punta Princesa Night High School, anak ni Cebu Sports Hall of Famer Renato Mier, ang bronze medalist sa 1982 Asian Games didto sa New Delhi, India.
Laing duha ka sakop sa RP junior squad ang mga anak sab sa kanhi top cyclists nga sila si Candido Quirimit Jr. ug George Oconer. – BANAT NEWS