CEBU, Philippines – Ang Cebu-based eskrima group Doce Pares mopresentar og special award karong adlawa ngadto sa ilang benefactor alang sa ilang College Scholarship Program.
Si Grandmasters Gero Peter sa Mainz, Germany, kinsa niabot niadtong miaging semana, ang modawat og award sa usa ka simple ceremony didto sa 3-storey World Headquarters sa Doce Pares sa Sto. Niño Village sa barangay Banilad, ning siyudad.
Si Peter maoy founder ug tag-iya sa Black Belt Center sa Mainz ug vice president sa Doce Pares Germany ug siya sab ang founder sa Doce Pares nga nahimutang sa makasaysayanong siyudad sa Rome. Gikauban niya ang iyang asawa ug pipila ka tinun-an nga gipangulohan ni Senior Instructor Michael Korthals.
Ang tanang bag-ong college scholars sa Doce Pares naglakip nilang Ariel Caparoso, Jenny Rusiana, Ailyn Navarro, David Camus, Louime Tano, Cesario Perez, Fiona Marie Mendoza ug Fatima Mae Villadelgado.
Motunol sa mga sertipiko mao mismo si Doce Pares Grandmasters Dionisio Cañete
Gawas ni Grandmasters Gero Peter, lain pang mga prominenteng sponsors sa programa mao si Grandmasters Arnulfo ‘Dodong’ Cuesta sa Doce Pares USC ug Master Peter Shannon sa Doce Pares Australia. – BANAT NEWS