2nd Purcia Cup basketball tournament buksan ugma

CEBU, Philippines - Pito ka koponan ang mopakita sa ilang abilidad sa natad sa basketbol sa ipahigayong 2nd Purcia Cup Basketball Tournament nga buksan karong Domingo diha sa Sacred Heart School Jesuit basketball court sa General Maxilom Avenue, ning siyudad.

Sa dili pa ang kumbati, adunay hamubo nga programa ang ipahigayon, diin ang presidente sa liga nga si Guilbert B. Purcia mohatag sa iyang mahinungdanon mensahe ngadto sa mga partisipante.

Mga koponan nga mosalmot naglakip sa ASPAC-UPS Hyde Sails, Bajao Brokerage, Transmodal Group of Companies, Carga Transport, Lapu-Lapu Basketball Association (LLBA) ug RMA Logistics.

Ang mga duwa himuon matag adlaw'ng Domingo gikan sa alas-8 sa buntag hangtod sa alas-12 sa udto diha gihapon sa Sacred Heart Jesuit basketball court. – BANAT NEWS