CEBU, Philippines - Mitarok sa ilang ikatulong sunod-sunod nga daog ang defending champion Teletech Titans human nila gimakmak ang Calltek, 61-50 sa 5th Inter-BPO Basketball Championship diha sa City Sports Club-Cebu gym sa Cebu Business Park.
Ang Teletech naghangad sa kamangtas sa duwa ni Laurenz Limpangog, kinsa maoy nangulo sa koponan pinaagi sa iyang 19 puntos.
Sa iyang bahin, si Mark Louise Gellez mao sab ang topscorer sa pilderong Calltek nga mibahog og 26 puntos.
Sa pasiunang duwa, ang Qualfon Knights mipakita sa ilang kabantog ug ilang gibuntog ang Eperformax pinaagi sa paglubong sa iskor nga 66-49.
Si Jopher Regidor ug reigning three-point king Glenn Mangubat maoy nangulo sa Qualfon nga nagkumboya og 32 puntos. Si Regidor misansan og 18 puntos, samtang si Mangubat mihagpat og 14 puntos.
Sa lain pang duwa, ang Western Wats mirehistro sab og daog batok sa 1&1 Internet Philippines sa iskor nga 77-69.
Si Dennis Poquita ang mirehistro og kinadak-ang iskor alang sa Western Wats pinaagi sa iyang 22 puntos, gisundan ni Wendel Inot nga adunay 11 puntos ug Edward Lago sa iyang 10 puntos.
Ang naparot nga 1& 1 Internet Philippines gipangulohan sab ni Jess Warren, kinsa mikimada og 26 puntos.
Puntos Matag Usa
Unang duwa:
Qualfon (66) - Regidor 18, Mangubat 14, Ignacio 10, Sanchez 10, Llesol 6, Borgonia 4, Caballero 2, Lequigan 2
Eperformax (49) - Boncalon 16, Paredes 8, Sayre 5, Tan 5, Visoc 5, Agua 4, Arrieta 2, Gabisay 2, Nebria 2
Ikaduhang duwa:
Teletech (61) - Limpangog 19, Abordonado 10, Abellanosa 7, Mata 7, Sultan 6, Martin 4, Banua 2, Biano 2, Cabahug 2, Clemente 2
Calltek (50) - M. Gellez 26, J. Gellez 9, Gabuya 8, Uy 3, Arellana 2, Flores 2
Ikatulong duwa:
Western Wats (77) - Poquita 22, Inot 11, Lago 10, Rivera 8, Alinson 6, Montecillo 4, Silagan 4, Tumakin
4, Posas 3, Navarrosa 2, Sanchez 2
1&1 (69) - Santos 26, Guisadio 9, Perez 7, Timagos 7, Abella 6, Ong 5, Andrino 2, Javierto 2, Vaflor 2, Wagas 2, Garua 1. – BANAT NEWS