Grandeur abante sa FYA Dark bracket finals

CEBU, Philippines – Ang dangog kaayong point guard nga si Dondon Cadungog kalma kaayong mipasulod sa iyang mahinungdanong free throws sa katapusang 0.8 segundos diin ang fourth-seed Grandeur team midaog sa usa ka kulbahinam nga kadaugan, 87-86 batok sa top seed Orillaville aron pag-abante ngadto sa Dark bracket finals sa F. Llamas Youth Association (FYA) 1st Vice Mayor Mike Rama Cup didto sa Vicente Sotto Memorial Gym sa barangay Punta Princesa, ning dakbayan. 

Si Cadungog mihipos og 30 puntos alang sa Grandeur nga miharos sa Orillaville sa ilang “best-of-three” semifinal series.

Ang Grandeur moharong sunod sa Rollyr Boyz ni Brgy. Capt. Rolly Diorico alang sa Dark bracket title.

Sila si Mark Tundag, Junjun Sabalande ug Makmak Lañojan nagkumboya og 39 puntos alang sa Grandeur.

Si Ryan Villaver maoy nangulo sa Orillaville pinaagi sa iyang 31 puntos, samtang si Jay Perez midugang og 23 puntos. Sila si Junbel Llegunas ug Mark Enriquez nagkumboya og 26 puntos sa maong kapildihan.

Sa preliminary game, ang CVBO-Talisay nga gipangulohan ni ex-Lancer Jurie Violango, midaog batok sa FYA Selection, 103-98 sa usa ka goodwill game.

Si Violango maoy nangu sa CVBO pinaagi sa iyang 24 puntos, samtang sila si Chissar Legunas ug Tito Bacarisas mao sab ang nangulo sa FYA sa ilang 17 ug 16 puntos.

Puntos Matag Usa

Unang duwa:

CYBO-Talisay (103) - Violango 24, Gonzaga 20, Navaja 19, Abapo 14, Rama 12, Dy 10, Patatag 5

FYA (98) - Llegunas 17, Bacarisas 16, Patalita 14, Rollon 11, Marqueda 10, N. Laborte 7, N. Medalle 6, Trinidad 4, Camacho 4, Cabigas 2, Cal 2, E. Medalle 2

Ikaduhang duwa:

Grandeur (87) - Cadungog 30, Tundag 18, Sabalande 11, Lañojan 10, Dacayana 7, Tabar 5, Navaja 3, Guy 3

Orillaville (86) - Villaver 31, Perez 23, J. Llegunas 14, Enriquez 12, Antiporta 3, Trinidad 2 – BANAT NEWS