CEBU, Philippines – Nakalingkawas ang Park ‘N Go Bakeshop human ilang gipukan ang top seed UTASSCO Utility, 76-75 sa semifinal round aron pag-angkon og lingkoranan sa finals sa Power Forty President’s Cup Summer League didto sa Inayawan Sports Complex.
Ang Park ‘N Go nga gipangulohan ni Michael Arias, makigsangka batok sa www.fedguns.ph alang sa korona sunod semana.
Ang www.fedguns.ph nakakuha sab og lingkoranan sa finals human gipalagpot ang Nelly’s Farm sa iskor nga 57-54.
Si Arias miburak og 32 puntos aron pangulohan ang Park ‘N Go, samtang si Melvin Layon midugang og 21 puntos.
Ang UTASSCO gipangulohan ni Alex Mercado kinsa mihakot og 29 puntos ug ang team owner nga si Atty. Flor Yosores mitampo og 13 puntos.
Sa laing bahin, si Bebong Rosal milansang og 17 puntos alang sa fedguns.
Si Carding Vernaiz maoy nangu sa Nelly’s Farm pinaagi sa iyang 18 puntos.
Ang UTASSCO ug ang Nelly’s Farm maoy mag-ilog alang sa ikatulong dapit karong Martes.
Puntos Matag Usa
Unang duwa:
Park ‘N Go (76) - Arias 32, Layon 21, Ozon 9, Echavez 6, Rama 4, Dejarme 4
UTASSCO (75) - Mercado 29, Yosores 13, Abasolo 10, Cabrera 9, Nacional 7, Batac 5, Traya 2
Ikaduhang duwa:
wwwfedguns (57) - Rosal 17, Nacario 14, Javierto 12, Villoga 8, Cabañero 2, Abadejos 2, Ramil 2
Nelly’s Farm (54) - Vernaiz 18, Reyes 14, Lisondra 8, Colinares 6, Moniva 4, Albaño 2, Nuñez 2 – BANAT NEWS