Bombers, Blazers nakisosyo sa liderato

MANILA, Philippines - Matapos pagdiskitahan ang depensa sa loob, matagumpay na naungu-san ng Jose Rizal ang minalas na Perpetual Help, 83-58 kahapon para ma-kisalo sa liderato ng San Sebastian at guest team na Arellano University sa Fil Oil Arena, San Juan City. 

 Binuwag ang mga harang, sinalanta ni James Sena ang kalaban makaraang humakot ng kanyang season best 18 rebounds, 14 points, 8 assists at isang block para palakasin ang puwersa ng Bombers na tumalo sa Letran Knights noong Sabado sa pamamagitan ng 69-66 na tumulak sa ikalawang sunod na panalo nito.

“Our game plan is to really give the ball to James inside and it worked well,” pahayag ni Jose Rizal coach Ariel Vanguardia, na nag-aasam na maakay ang Kalentong based school sa kauna-unahan nitong titulo sa loob ng 72 years.

Dahil sa tindi ng pagdomina, nailusot ng Bombers ang panalo kontra Altas na pinapatnubayan ng dating UAAP champion La Salle-Zobel mentor Boris Aldeguer, 52-21.

 Ginamitan ng inside domination, sunud-sunod na nagpakawala ng tres ang magagaling na guwardiya na sina John Wilson at Mark Cagoco para iposte ang kalamangan.

Kumolekta ng 19 at 16 sina Wilson at Cagoco, ayon sa pagkakasunod. Habang nag-ambag naman ng 11 points si Marvin Hayes na sinuportahan pa ng 8 boards kontribusyon ni sophomore guard Nate Matute para sumali sa shooting spree na nagbaon ng 10th triple pabor sa Jose Rizal.

Bumandera para sa Altas sina 13 points sina Raffy Ynion at rookie Chisper Elopre, na kapwa nagtryout sa JRU, bago napunta sa Perpetual Help.

Sa simula pa lang ay bumulusok na ang Bombers kung kaya’t hindi na nagawang makaporma ng Altas, 23-15 iskor sa pagtatapos ng unang quarter.

Sa isa pang laro sa seniors, sumandal ang College of St.Benilde sa huling basket ng rookie na si Jan Tan upang sorpresahin ang Mapua, 74-70 at ipuwersa ang four-way logjam para sa liderato na may 2-0 win-loss slate. (Sarie Nerine Francisco)