CEBU, Philippines – Nagpabiling buhi ang Grandeur team human ilang gipakuratan ang Orilaville, 93-89 samtang ang Heartfelt mi-abante na ngadto sa Light bracket finals human ilang gipalagpot ang Criminal Intelligence and Investigation Bureau (CIIB) ubos ni Supt. George Ylanan, 105-82 sa nagpadayong F. Llamas Youth Association (FYA) 1st Vice Mayor Mike Rama Cup niadtong Martes didto sa Vicente Sotto Memorial gym sa barangay Punta Princesa, ning dakbayan.
Si Robel Tabar mibahog og 25 puntos, samtang si Wako Dacayana midugang og 20 puntos alang sa Grandeur, kinsa kinahanglan pang mopukan sa Orillaville aron moabante sa sunod nga hugna.
Sa laing bahin, si Tata Laborte miposa og 21 puntos alang sa Heartfelt nga moharong sunod sa modaog sa Kuya Allan-Viking Haulers showdown.
Ang FYA gipaluyohan ni Punta Princesa Brgy. Capt. Rolly Diorico, barangay councilor Ray Gabriel Salgado ug tournament director Boy Atillo.
Puntos Matag Usa
Unang duwa:
Heartfelt (105) - T. Laborte 21, Danding 16, Alob 14, N. Laborte 13, Cabigas 12, Arreglo 10, Basubas 10, Rama 5, Bensing 4
CIIB (82) - Capangpangan 26, Veloso 21, Plasus 9, Coderos 8, Mendarus 7, Ybañez 4, Maucesa 3
Ikaduhang duwa:
Grandeur (93) - Tabar 25, Dacayana 20, Atuel 19, Tundag 11, Sabalande 7, Cadungog 6, Gay 5
Orillaville (89) - Perez 23, Casinillo 20, Llegunas 16, Villaver 13, Enriquez 12, Alaceda 3, Trinidad 2 – BANAT NEWS