Green misakmit korona sa Triple-A cagefest

CEBU, Philippines – Gipukan sa Green team ang Violet team, 52-48 aron sakmiton ang korona sa Allied Athletics Association (Triple A) 2009 Inter-Color summer basketball tournament didto sa Kimwa gym sa Mandaue City.

Hugot kaayo ang depensa nga gipatuman sa duha ka teams ug walay bisan usa kanila nga gustong mabiyaan hinungdan mahimong low-scoring ang maong sangka.

Hinuon, ang Green team kanunay naglabaw bisan pa sa hulga sa Violet team ubos sa liderato ni ex-pro Larry Villanil.  

Ang high-leaper nga si Rey Gonzaga maoy nangulo sa Green team nga mibahog og 17 puntos, samtang si Nelson Gacasan midugang og 10 puntos.

Sa sayo pa, ang Blue team midaog batok sa White sa iskor nga 79-74 aron pag-angkon sa ikatulong puwesto.

 Sila si Jeriel Bukiron ug   Adrian Gogo nagkumboya og 27 puntos alang sa Blue team. Si Bukiron mipupo og 14 puntos, samtang si Gogo miani og 13 puntos.

Ang pilderong White team gipangulohan ni Jun Arceo sa iyang 16 puntos, gisundan nilang Jun Locaylocay ug Kidong Lisondra nga miabuno og 15 puntos matag usa.

Puntos Matag Usa

Unang duwa:

Blue (79) - Bukiron 14, Gogo 13, Cruz 12, Taborada 11, Dela Torre 10, Majam 8, Cardoza 6, Manatad 5, Paler 5, Yares 4

White (74) - Arceo 16, Locaylocay 15, Lisondra 15, Agbay 12, Chan 4, Arengo 4, Martillan 4
Ikaduhang duwa:

Green (52) - Gonzaga 17, Gacasan 10, Almario 5, Martinito 5, Jarlata 4, Ecot 4, Gallego 3, Villamor 2, Baunsit 2

Violet (48) - Romagos 9, B. Ganda 8, Villanil 8, Quijnao 7, R. Ganda 5, Rafanan 4, Baba 3, Montalban 2, Varro 2 – BANAT NEWS