Tulo ka dagkung events sa Milo ilusad ugma

CEBU, Philippines – Ang Cebu leg sa 33rd National Milo Marathon, ang 14th Milo Little Olympics ug ang National Milo Little Olympics usahon og lusad ugma sa alas-11:30 sa buntag diha sa Cebu City Sports Center conference room.

Gilaumang motambong sa kalihukan mao si Milo

Sports executive director Pat Goc-ong, Cebu City consultant

on education Joy Augustus Young, DepEd-7 sports

coordinator Dr. Danilo Villadolid ug event organizer Ricky Ballesteros.

Sa laing bahin, ang mga organizers sa 33rd National Milo Marathon karong Hulyo 5, mo-limit lamang ngadto sa 20,000 ka runners.

Matud pa ni Ballesteros nga kinahanglan nilang limitahan ang gidaghanon sa mga runners tungod sa gamay nilang assembly area nga mao ang Cebu City Sports Complex oval.

Ang Cebu nailhan na nga usa ka siyudad nga kanunay mobuak sa rekord alang sa labing daghan nga partisipante sa Milo Marathon.

Ang tinuig nga lumba gibahin sa 3K Kiddie Run, 5K Run, 10K Run ug 21K qualifying race. – BANAT NEWS