CEBU, Philippines – Mopasiugda ang MetroSports Center sa barangay Lahug sa ilang bersiyon nga Fun Run series sugod karong Hulyo 19.
Himuon ang series sud sa upat ka Domingo hangtod sa Agosto 9.
Ang kalihukan mosikad sa alas-5:30 sa buntag gikan sa MetroSports Center hangtod sa ilang destination point -- ang Café Glo Restaurant sa 2nd floor sa Crown Regency Hotel and Towers sa Osmeña Boulevard, ning siyudad.
Kasagaran mosalmot naggikan sa mga miyembro sa MetroSports Badminton Club, loyal sports buffs, mga suki, kahigalaan, kaparyentihan o kabanayan ug ingon man ang mga kawani sa club ug sa hotel.
Sumala pa ni J. King & Sons Co. Inc., CEO Richard King, nga mao kini ang paagi sa ilang kompaniya pagpalambo sa kaangayan ug sa kapiskay sa lawas dili lamang sa palibot sa ilang establisamento ug sa ilang empleyado, apan alang usab sa ginsakopan sa ilang kahugpongan ug sa komunidad.
Ang beneficiary ning maong fun run mao ang Cebu City Task Force for Streetchildren ubos sa pag-alima ni Cebu City First Lady Margot Osmeña.
Alang sa dugang mga kasayoran kabahin sa MetroSports Fun Run, mahimong motawag sa 233-3338. – BANAT NEWS