UTASSCO Utility abante sa semis

CEBU, Philippines – Pormal nga gitapos sa UTASSCO Utility ang eliminasyon pinaagi sa paglubong sa Ave Maria Sanctuary Park, 98-84 aron mag-solo sa liderato sa Power Forty President’s Cup Summer League didto sa Inayawan Sports Complex.

Ang UTASSCO ni Atty. Flor Yosores ug fedguns mi-abante na sa semifinals ug naghuwat na lang sa ilang sunod nga kaatbang. Ang fedguns maoy nahimutang sa ikaduhang luna.

Gitapos sa UTASSCO ang elimination bitbit ang 9-1, samtang ang fedguns adunay 6-4 nga baraha.

Sa laing duwa, gilubong sab sa Park ‘N Go Bakeshop ang Water Market sa iskor nga 101-87 aron pagtapos sa ikatulong puwesto.

Sila si Yosores, Wilbor Cabrera ug Alex Mercado, parehong miburak og 20 puntos aron pangulohan ang UTASSCO.

Si Inayawan barangay councilor Mario Tabar maoy topscorer sa miluhod nga Ave Maria nga mipugnit og 28 puntos, gisundan ni Gogo Fuentes nga adunay 26 puntos.

Sa sayo pa, si Michael Arias miburak og 35 puntos ug si Loloy Dejarme midugang og 24 alang sa Park ‘N Go Bakeshop.

Ang pilderong Water Market gipangulohan ni Power Forty president Vez Eleguin nga mibahog og 34 puntos, samtang si Edwin Dejacto miamot og 24 puntos.

Puntos Matag Usa

Unang duwa:

Park ‘N Go (101) - Arias 35, Dejarme 24, Layon 17, Ozon 10, Rama 7, Echavez 6, Tura 2

Water Market (87) - Eleguin 34, Dejacto 24, Dela Rama 15, Dacalos 4, Yosores 4, Cayacap 2, Genzon 2, Abellana 2
Ikaduhang duwa:

UTASSCO (98) - Yosores 20, Mercado 20, Cabrera 20, Traya 12, Yu 12, Abasolo 8, Nacional 6

Ave Maria (84) - Tabar 28, Fuentes 26, Mosqueda 18, Navares 7, Ocampo 3, Kalinga 2 – BANAT NEWS