Cebu City andam na morampa

CEBU, Philippines – Andam na morampa ang 8,000 ka mga batan-on gikan sa nagkalain-laing tunghaan ug sa kabarangayan dinhi sa Sugbu alang sa ilang pagsulay aron mapatik sa Guinness World Book of Records isip biggest class dance ug ingon man mamahimong dance capital of the world ugma sa alas-3 sa hapon diha sa Cebu City Sports Center.

Ang maong pagsulay nga gipasiugdahan ni dancesport director Edward Hayco naglaraw nga mobuak sa rekord nga kasamtangang gihuptan sa Hungary nga adunay 2,289 dancers nga nisalmot sa usa ka dance class niadtong Mayo.

Matud pa ni Hayco ang actual presentation molungtad og 10 minutos diin ang mga partisipante mosayaw og Sugbo dance, jive, mambo ug chachacha.

Si Hayco mihatag sa iyang kinasingkasing nga pasalamat ngadto sa mga tawo nga misuporta sa ilang record attempt. “The support is very overwhelming so I’d like to thank all the heart-kinded individuals and companies who are supporting the event. From small things to big amount, our deepest gratitude to them,” matud pa ni Hayco.

Lakip nga gipasalamatan ni Hayco mao ang volunteer teachers nga maoy mitudlo sa mga bata sud sa 12 ka oras matag adlaw nga libre ug ingon man ngadto sa DepEd ug mga principals nga misuporta sa maong kalihukan.

Ang M Lhullier Kwarta Padala misuporta sab ug mihatag kini og t-shirts sa tanang partisipante ug number tags, samtang ang French Baker ug Julie’s

Bakeshops maoy mohatag sa merienda. 

Lakip usab sa gipasalamatan ni Hayco ang volunteer teachers nga maoy mitudlo sa mga bata sulod sa 12 ka oras matag adlaw aron maperpekto ang ilang Guinness attempt. – BANAT NEWS