Alelu's Friends milubong sa Ann & Jan

CEBU, Philippines – Mirehistro og daog ang Alelu's Friends ni team manager Perfecto 'Junior' Besabella human gilubong ang Ann & Jan, 86-64 sa open category sa Upper Tugbungan Fiesta Basketball Tournament didto sa Consolacion, Cebu.

Ang Alelu's Friends naalkanse og tres puntos sa halftime, 43-46, apan nakabawi sa ikatulong kuwarter pinaagi sa 22-8 nga rally, aron angkonon ang momentum ug sukad niadto mao na ang nikontrolar hangtod nga nahuman ang duwa.

Sa gihapon ang managsuong Malagar maoy mipakita og maayong labok sa mao nga duwa diin si Elbert mipupo og 17 puntos, gisundan nilang Lemuel ug Larry nga miabuno og 10 puntos matag usa.

Gipasiugdahan ni Barangay Councilor Paz Besabella, ang liga gipaluyohan sab sa Upper Tugbungan barangay council ubos sa liderato ni Brgy. Capt. Antonito Tumongha. Midumala sa mga duwa mao si Eutiquio 'Junior' Besabella Jr.

Puntos Matag Usa

Alelu’s Friends (84) - E. Malagar 17, Le. Malagar 10, La. Malagar 10, Medida 10, Dahil 10, Valle 8, Flores 8, Lo. Malagar 7, Lon. Malagar 6

Ann & Jan (64) - Dennison 24, Tawi 14, Budz 12, Semblante 10, Abjelina 2, Michel 2 – BANAT NEWS