CEBU, Philippines – Nakuha sa Salazar Colleges of Science and Institute of Technology (SCSIT) ug Team Locans ang unang-duha ka luna sa semis sa seniors A division sa 2009 Vice Mayor Michael Rama Cup Softball Tournament didto sa Labangon, ning siyudad.
Ang SCSIT ug Locans nagtabla paghuman sa eliminasyon nga adunay managsamang 4-1 win-loss records.
Apan ang SCSIT maoy nakaangkon sa unang dapit pinaagi sa winner-over-the-other rule.
Ang Durabend, Berns Ang ug Energo nga pulos nagbitbit og 2-3 nga baraha, mag-ilog alang sa katapusang duha ka luna sa semis sa seniors A.
Sa laing bahin, ang four-team semifinalist sa seniors B gilangkuban sa Paknaan, Talisay, Pelaire ug Jagobiao. – BANAT NEWS