CEBU, Philippines – Naka-igo na sab ang www.fedguns.ph dihang ilang gibiktima ang Park ‘N Go Bakeshop, 60-59 aron sa pagpahiluna sa ikaduhang puwesto sa Power Forty President’s Cup Summer League basketball tournament niadtong Martes didto sa Inayawan Sports Complex.
Ang lay-up ni Pardo barangay councilor Jojo Ibones sa nagkaupos nga oras maoy mituboy ngadto sa kadaugan aron pagpahiluna sa ikaduhang dapit sa liderato sa ilang 5-4 nga baraha.
Sila si Ibones, Javierto ug Mabalcon parehong mibugha og 10 puntos aron pangulohan ang fedguns.
Ang Park ‘N Go gipangulohan ni Michael Arias pinaagi sa iyang 19 puntos.
Sa laing aksiyon, ang Ave Maria Sanctuary Park miugkat og daog batok sa Water Market sa iskor nga 102-94.
Sila si Gogo Fuentes ug Efren Mosqueda parehong miposa og 28 puntos alang sa Ave Maria, kinsa nahimutang sa ikatulong dapit.
Nakawang lang ang 33 puntos nga nahagdaw ni Power Forty president Vez Eleguin kay wala kini mapadaog sa iyang
koponan.
Puntos Matag Usa
Unang duwa:
Ave Maria (102) - Fuentes 28, Mosqueda 28, Felicitas 15, Tabar 14, Navares 9, Labajo 5, Kalinga 3
Water Market (94) - Eleguin 33, Abellana 17, Dumale 14, Dela Rama 11, Yosores 8, Dacalos 6, Dejacto 3, Cayacap 2
Ikaduhang duwa:
www.fedguns.ph (60) -Ibones 10, Javierto 10, Mabalcon 10, Nacario 8, Cabañero 8, Rosal 7, Villoga 4, Abadejos 3
Park ‘N Go (59) - Arias 19, Ozon 11, Layon 11, Echavez 10, Rama 2, Balbanera 2, Tura 2, Dejarme 2 – BANAT NEWS