Piloto, Fadai nagpanikad na sa URCC Cebu IV

CEBU, Philippines – Nagpanikad na ang garbo sa Sugbu nga sila si Engie 'The Destroyer' Piloto ug Canadian Sabah 'The Persian Warrior' Fadai alang sa ilang dakung away batok sa managlahing kaatbang sa Colt 45 Universal Reality Combat Championship Cebu IV: Proving Grounds nga kabahin alang sa URCC Visayas championship fights karong Sabado diha sa Cebu International Convention Center (CICC).

Si Piloto sa Yaw-Yan Cebu ArDigma makigharong batok ni 2007 Southeast Asian (SEA) Games wushu gold medallist Mark Ediva sa Lakay Wushu Team sa Baguio alang sa URCC Visayas featherweight title.

"I’m doing a lot of circuit training, round Jiu-jitsu and Yaw-Yan kickboxing. For me, this is a very tough fight that is why I took a one-month leave from my job just to focus on my training," matud pa sa 27-anyos nga si Piloto, usa ka police officer nga nadestino sa Loboc, Bohol.

Si Piloto anaa sa 95 porsiyento alang sa maong engkuwentro karong Sabado, apan dili kini angayang mokompiyansa ngdto ni Ediva.

Si Ediva nga gikan sa respetadong team nga kasamtangang nagkupot og upat ka URCC national belts.

"But this is MMA. Anything can happen," matud pa sa trainer ni Piloto nga si Yaw-Yan ArDigma founder Master Benigno 'Ekin' R. Caniga.

Sa iyang bahin, si Fadai misalig sa iyang kadaugan diin siya maoy morepresentar sa Sugbu batok ni Andrew Benibe sa Maics Gym sa Manila.

Sama ni Piloto, si Fadai dili sab mokompiyansa ngadto ni Benibe sa iyang labing unang aksiyon sa URCC.

Sa laing bahin, si URCC producer Renault Lao, malaumon nga daghan ang moapil  sa kulbahinam ug makapaukyab nga MMA showdown.

"Aside from the foreigners who will be seeing action, this is also our first time to promote URCC title fights so the fighters will have something to look forward to," matud pa ni Lao.

Ang official weigh-in himuon ugma sa alas-2 sa hapon diha sa Loft Restaurant and Lounge-Asiatown IT Park sa barangay Lahug, ning siyudad. – BANAT NEWS