Cotto daog batok Clottey
CEBU, Philippines - Nilampos pagdepensa sa iyang WBO welterweight title si Miguel Cotto dihang nidaog siya sa usa ka sikit nga split decision batok ni Joshua Clottey gahapon didto sa Madison Square Garden.
Bisan paman og nakahiagum siya og dakung gisi sa kilay sa roung three tungod sa headbutt, wala magpapugong si Cotto sa pagpauwan og kinumo ngadto sa African challenger.
Si Cotto mipatumba usab ni Clottey sa katapusang segundos sa unang round sa ilang sangka.
Ang tulo ka mga hurado nga sila si Don Trella ug John McKaie mi-iskor og 116-111 ug 115-112 pabor ngadto ni Cotto, samtang si Tom Miller mihatag og 114-113 ngadto ni Clottey.
Tungod sa maong kadaugan, hayan mapanday na sa Top Rank Promotions ni Bob Arum ang gipangandoy niining sangka tali ni Cotto ug Manny Pacquiao karong Oktubre 17. - Lemuel P. Maglinte (BANAT NEWS)
- Latest
- Trending
