Heartvit kampiyon na sa PMODA

CEBU, Philippines – Nakalingkawas ang Heartvit sa kulbahinam nga duwa pinaagi sa pagmakmak sa Lumbeach, 70-69 aron pagsakmit sa korona sa Pulpogan Motorcycle Operators and Drivers Association (PMODA) basketball tournament didto sa Pulpogan barangay gym sa Consolacion, Cebu.

Sa sayo pa, ang Kaimito Blazers midaog batok sa Center Harbour, 54-49 aron pag-angkon sa ikatulong puwesto.

Maangkon unta sa Lumbeach ang daog dihang milabaw lang og uno punto ang Heartvit sa katapusang 18 segundos sa duwa sa iskor nga 70-69, apan si Joseph Lleve misipyat sa iyang mahinungdanong lay-up. Nasipyat sab si Roel Bangkal sa iyang follow nga nakahatag og higayon sa Heartvit sa pag-eskapo sa kulbahinam nga duwa. 

Ang Heartvit gipangulohan ni Ramil Mision, kinsa miposa og 18 puntos ug mao sab ang bugtong player sa ilang team nga nakahimo’g double figures.
Ang pilderong Lumbeach gipangulohan ni Lleve sa iyang 19 puntos.

Ang torneyo sa PMODA gipaluyohan nilang Pulpogan barangay captain Roger Linaboc ug sa mga barangay councilors nga sila si Arlene Tongco, Alelu Flores, Aileen Jane Osabel ug Ronie Azucenas.

Ang tournament commissioner mao si Jerry Narandan.

Puntos Matag Usa

Heartvit (70) - Mision 18, Casipong 9, Etat 8, Yamelo 7, Villanueva 6, Ascarez 6, Lopez M. 5, Lopez I. 4, Villamor 3, Julius 2, Rosal 2

Lumbeach (69) - Lleve 19, Bangkal 10, Branzuela 8, Casipong 7, Orbiso 6, Ardiente 5, Laborte 4, Flores 4, Bugtai 4, Onie 2 – BANAT NEWS