Rich Media napilde na

CEBU, Philippines – Ang Mandaue Jaycees-Team A ubos sa liderato ni Ed Latonio mipahamtang sa Rich Media ni Richard Mercado sa ilang labing unang pilde, 79-65 sa 2009 Jaycees Basketball Association (JBA) season diha sa City Sports Club-Cebu gym sa Cebu Business Park.

Ang Mandaue Jaycees sayong nanginit ug milabaw og 13 puntos, 25-12 kortesiya nilang ex-USC Warrior Nestor Patindol ug Lord Ong. Si Patindol mi-iskor og 23 puntos aron pangulohan ang Mandaue Jaycees-Team A.

Mihulga sa makadiyot ang Rich Media sa fourth period pinaagi sa ilang init nga rally, apan wala makasustiner sa kainit nga gipakita sa Mandaue Jaycees.

Ang Mandaue Jaycees ug ang Rich Media nagtabla karon sa standings uban ang managsamang 3-1 win-loss records.

Si Beboy Potencioso maoy nangu sa Rich Media pinaagi sa iyang 15 puntos.

Sa sayo pa, ang Zone 360 naka-ipsot gikan sa mga kamot sa Mack Mayer Printers ni Carlos Porras sa iskor nga 78-75.

Mao kini ang ikaduhang daog sud sa lima ka duwa sa Zone 360 nga gipangulohan nilang Alcover ug Niño Boniel nga nagkumboya og 31 puntos.

Sila si John Sulay ug Elmer Laguna parehong mi-iskor og 14 puntos alang sa Mack Mayer.

Puntos Matag Usa

Unang duwa:

Zone 360 (78) - Alcover 17, N. Boniel 14, Go 13, Balanguan 10, Borromeo 6, J. Boniel 6, Trespicio 6, Alejandrino 4, Lasala 2
Mack Mayer (75) - Sulay 14, Laguna 14, Baladya 13, Porras 10, Dela Calzada 8, Barreto 7, Polo 7, Monreal 2
Ikaduhang duwa:

Mandaue-A (79) - Patindol 23, Lerio 12, Ylaya 10, Ong 10, Colina 6, R. Latonio 6, E. Latonio 4, Gamallo 4, Magallano 4

Rich Media (65) - Potencioso 15, David 10, Estella 10, Besanes 9, Que 8, Mewrcado 6, Flores 4, Lo 2, Sy 1 – BANAT NEWS