CEBU, Philippines – Padayon karon nga nagsolo sa liderato ang UTASSCO Utility human ilang gipilde ang Nelly's Farm, 67-57 sa Power Forty President's Cup Summer League didto sa Inayawan Complex.
Ang UTASSCO nga naglawig sa semifinals bitbit ang 7-1 nga baraha gipangulohan nilang Wilboer Cabrera, Dennis Batac ug Junior Nacional nga naghagdan ang ilang puntos. Si Cabrera mi-iskor og 13 puntos, si Batac adunay 12 ug si Nacional mihipos og 11 puntos.
Ang Nelly's Farm nga nangiwit sa standing gipangulohan ni Carding Vernaiz, sa iyang 15 puntos.
Sa laing bahin, si Cogon-Pardo barangay councilor Jojo Ibones, miposte og 21 puntos aron pangulohan ang fedguns pagpukan sa Ave Maria sa iskor nga 72-62.
Si Jun Felicitas miugkat og 18 puntos ug si Inayawan barangay councilor Mario Tabar miligwat og 15 puntos alang sa Ave Maria nga milubong og 4-4 nga baraha.
Puntos Matag Usa
Unang duwa:
UTASSCO (67) - Cabrera 13, Batac 12, Nacional 11, Yu 7, Abasolo 7, Traya 7, Yosores 6, Mercado 2, Labajo 2
Nelly’s Farm (57) - Vernaiz 15, Moniva 11, Lisondra 10, Reyes 9, Colinares 6, Gabuya 4, Abalo 2
Ikaduhang duwa:
www.fedguns.ph (72) - Ibones 21, Cabañero 18, Mabalcon 10, Javierto 8, Rabadon 6, Viloga 2, Abadejos 2, Rosal 2
Ave Maria (62) - Felicitas 18, Tabar 15, Mosqueda 10, Fuentes 8, Navares 7, Labajo 4 – BANAT NEWS