Landmasters miangkon titulo sa Friendship Cup

CEBU, Philippines – Mipauwan og mga puntos sa gawas ang Cebu Landmasters nga maoy ilang hait nga hinagiban pagbihag sa Ateneo Blue Eagles, 70-64 aron pag-angkon sa korona sa Friendship Cup niadtong miaging gabii diha sa Cebu Coliseum.

Sa sayo pa, gilat-an sa Smart Pampanga Buddies ang Hapee-CESAFI Selection, 92-67 sa ilang engkuwentro alang sa ikatulong dapit.

Ang forward nga si Marlon Basco mi-abli sa third period pinaagi sa iyang three-point shot aron hatagan ang Landmasters og dos puntos nga labaw sa iskor nga 30-28.

Milusad sab og 10-0 rally ang Landmasters sa pagpangulo ni Stephen Padilla pinaagi sa pagposa og duha ka triples, samtang sila si Basco ug Franklin Nailon mipasulod sa ilang free-throws aron inaton ang

labaw ngadto sa otso puntos, 40-32.

Misuway og gukod ang Eagles human si Jai Reyes mipasulod sa iyang three-point shot sa nahabiling 12.7 sa final period sa iskor nga 64-67, apan pakyas kini.

Sila si Basco ug Padilla maoy topscorers sa Landmasters nga mibugha og 14 puntos matag usa, samtang sila si Woodrow Enriquez ug Jett Latonio pareho sab nga mihipos og 11 puntos alang sa kadaugan.

Ang sentro nga si Rabeh Al-Hussaini miposte og 13 puntos aron pangulohan ang naparot nga Ateneo Blue Eagles, samtang si Reyes, kinsa maoy nakadawat sa MVP award miamot og nuybe puntos.

Puntos Matag Usa

Unang duwa:

(For third)

Pampanga (92) - Nicdao 15, Vizcara 13, Saguindel 10, Bansil 10, Taylor 9, Espiritu 8, Gelig 8, Alfad 7, Evangelista 5, A.Espiritu 5, Luanzon 2.

CESAFI Selection (67) – Fajardo 27, Amores 15, Duran 9, Armenscin 8, Villaver 4, Pateño 2, Pao 2, Quilantang 2.

Ikaduhang duwa:

(Championship)

Landmasters (70) – Padilla 14, Basco 14, Latonio 11, Enriquez 1, Ababon 9, Mercado 3, Cainglet 2, Ursal, Justiniani 2, Abadia 2

Ateneo (64) – Al Hussaini 13, Buenafe 12, Reyes 9, Baclao 8, Baldos 7, Salamat 6, Long 5, Austria 4. – BANAT NEWS