CEBU, Philippines – Mikulit sa ilang ikaupat nga sunod-sunod nga daog ang Alberto’s Pizza human nila gilubong ang CDU Reapers, 67-51 sa 5th Lucky Table Regulars Basketball Tournament didto sa Visayan Glass Gym sa barangay Guadalupe, ning siyudad.
Si Martin Grogaard mipabuto og 25 puntos ug si Mark Villagonzalo mitira og 19 puntos alang sa Alberto’s Pizza nga maoy nikontrolar sa duwa sukad maangkon ang 13-9 nga labaw. Ang Alberto’s Pizza mipahimulos sa ilang 14 puntos nga labaw, 50-36 paghuman sa third period ug miabot pa kini ngadto sa 16 puntos.
Sa laing duwa, si Michael Viliran mitusak sa iyang jumper sa katapusang sayes segundos sa duwa aron tunolan ang Phat Thursday Resto Bar og 69-66 nga kadaugan batok sa Visayan Ballers.
Puntos Matag Usa
Unang duwa:
Phat Thursday (69) - Pancho 23, Viliran 16, Orosio 10, Seroy 8, Abella 6, Valiente 4, Cañeda 2
Visayan Ballers (66) - Hendive 20, Abella 14, Rodriguez 9, Abellanosa 8, Ho 3, Cañete 3, Consunji 3, Boniao 2, Caseñas 2, Ubod 2
Ikaduhang duwa:
Alberto’s Pizza (67) - M. Grogaard 24, Villagonzalo 19, Tandan 12, Chua 4, Bero 4, Alvarez 3
CDU Reapers (51) - Emil 10, Datan 9, Janos 9, Martin 7, Alfie 6, Keith 4, Vercuiel 2, Corominas 2, Alden 2 – BANAT NEWS