Andam na ang tanan alang sa St. Theresa's College Run

CEBU, Philippines – Andam na ang tanan alang sa Move with AIR (Awareness, Involvement and Responsibility) nga naila sab nga St. Theresa’s College Run karong Hulyo 19 diha sa STC ground sa General Maxilom Avenue, ning siyudad.

Gitukod sa St. Theresa’s College Alumni Association of Cebu (STAAC) nga gipangulohan sa ilang presidente Yvonne Gomos, ang kita sa maong kalihukan ihatag ngadto sa mga beneficiaries nga naglakip sa Cebu City Medical Center Hospital, Medical Indigency project, college scholarship and student assistance program, livelihood project ug uban pa.

Ang lumba nga kabahin sa STAAC’s homecoming activities adunay tulo ka kategoriya -- 5K, 3K ug 300m.

Aduna say kategoriya alang sa STC alumnae ug tinun-an, 3K kiddies open, samtang ang 300m run alang sa STC kids nga nag-edad gikan sa singko hangtod sa siyete anyos ug otso hangtod sa 10-anyos.

Ang registration fee nagkantidad og P200 alang sa 5K , ang 3K kiddies P150 ug ang mga tinun-an sa STC mobayad lang og P85.

Ang deadline sa registration hangtod lamang sa Hulyo 15. Niadtong interesadong mosalmot mahimong magparehistro sa STC, Philippine Sports Commission (PSC)-7 office sa Cebu City Sports Center ug sa Athlete’s Foot sa Ayala Center. – BANAT NEWS