LPTC abante sa quarterfinals

CEBU, Philippines - Ang kombinasyon nila ni Whisly Basanal ug Billy Price sa La Paloma sayung mipakita sa ilang abilidad aron mulampos pagtaktak sa Villa Aurora Tennis Club sa elimination Skygo-La Paloma Tennis Club (LPTC) Classics 2009 search for King of The Court, diha sa La Paloma Subdivision, Brgy. Tisa, ning syudad.

Sila si Basanal ug Price maoy nipatigbabaw batok sa Villa Aurora nila ni Roy Gonzales ug Silvestre Salaza, 8-2, aron moabante sa quarterfinals sa Inter-Club doubles category.

 Nidaog usab sila si Cesar Gestopa ug Jim Boy Alex sa Mandaue TC batok nila ni Redentor Econg ug Richard Aznar sa Talisay TC, samtang ang Fairview Tennis Club nila ni Engr. Ofelio Tallo ug Bentorado Ocaña mitagak usab sa Mandaue TC nila ni Fel Latonio ug Joselito Elorde.

Lakip sa mga moabante sa quarterfinals mao ang PC Hills Tennis Club, Inabanga TC, Naga TC ug Baseline Tennis Club.

Ang tennis tournament gipasiugdahan sa LPTC Tennis Club uban sa suporta sa Uniherb Philippines ni Atan Guardo, Chris Sports, Tobys Sports, Gillamac Marketing, NG Khai Development Inc., San Miguel Beer Inc, Pagcor, Dendramil Merchandise ug Skygo Motorcycle. - Lemuel P. Maglinte (BANAT NEWS)