CEBU, Philippines – Ang McMill Enterprises ni Macky Hapitan naka-ipsot batok sa Agencia Grande sa iskor 54-50 atol sa pagbukas sa Guadalupe Athletics Association (GAA) 10th Founder’s Cup basketball tournament didto sa Guadalupe Sports Complex.
Sayo kaayong mi-arangkada ang McMill ug miposte kini og 16 puntos nga bentaha sa halftime, 33-17 luyo sa mga paningkamot nilang Onyot Sasing ug Jame Salaber.
Mihulga ang Agencia Grande pinaagi sa paglusad og 15-8 nga rally aron makan-an ang labaw ngadto na lang sa nuybe puntos, 41-32 sa giya nilang Jun Ragasajo ug Regidor Bandoquillo paingon sa final quarter. Apan wala makasustenir sa makutas nga lahugay kay nahutdan sila’g hangin.
Si Dodong Elizalde maoy nangulo sa McMill pinaagi sa iyang 12 puntos, samtang sila si Sasing ug Salaber parehong midugang og 10 puntos.
Si Jeffrey Diola maoy nangulo sa rally sa Agencia Grande, mihipos og 18 puntos.
Puntos Matag Usa
McMill (54) - Elizalde 12, Salaber 10, Sasing 10, Calitas 5, Asignar 4, Suzara 4, Galan 3, Ancot 2, Hapitan 2, Tancio 2
A. Grande (50) - Diola 18, Ragasajo 11, Bandoquillo 10, Barellano 6, Sabanico 3, Consing 1, Sincero 1 – BANAT NEWS