Center Harbour, Kaimito Blazers sud semis sa PMODA caging

CEBU, Philippines – Duha ka kulbahinam nga duwa ang mitapos sa Pulpogan Motorcycle Operators and Drivers Association (PMODA) quarterfinals didto sa Pulpogan gym sa Consolacion.

Mi-abante ngadto sa semifinals ang Center Harbour human nila patapsingi ang Extreme Riders sa iskor nga 65-64, samtang ang Kaimito Blazers nangayo pa og duha ka overtime una maangkon ang 86-84 nga kadaugan batok sa RJ Boys.

Ang "best-of-three" semis sugdan karong adlawa diin ang no. 1 Heartvit (7-1) makigsangka batok sa no. 4 Kaimito Blazer (5-4) ug ang no. 2 Center Harbour (6-2) makigharong sa no. 3 Lumbeach (6-2).

Nagkatabla ang Lumbeach ug Center Harbour, apan ang naulahi maoy nakaangkon sa ikaduha pinaagi sa tie-breaker.

Ang liga sa PMODA gipaluyohan sa Pulpogan barangay council ubos sa liderato ni Brgy. Capt. Roger Linaboc ug councilor Arlene Tongco, kinsa maoy manager sa Reliable Recruitment Agency.

Ang torneyo gidumala ni commissioner Jerry Narandan ug sa iyang assistant nga si Roel Bancal.

Puntos Matag Usa

Unang duwa:

Kaimito Blazers (86) - Madas 21, M. Cabilan 19, L. Cabilan 10, Bacudo 9, Mondarte 6, Crieta 4, Talaboc 3, Veller 2, Gomez 2, Alex 2, Canaigo 2, Anos 2, Regner 2, L. Crieta 2

TJ Boys (84) - Rojas 14, Pepito 13, Maglasang 11, Villamor 10, J. Blanco 4, Lacio 3

Ikaduhang duwa:

Center Harbour (65) - Narandan 14, Camay 10, Castillo 8, Tali 8, Ardiente 7, Diaz 6, Pascua 5, Bontilao 2, Novo 2, Reuyan 2, Villagonzalo 2, Linaboc 2, Tampus 2

Extreme Riders (64) - Hopida 12, Tisoy 10, Laborte 10, Monching 8, Lando 6, Botchoy 6, Suarez 6 – BANAT NEWS