GAA Selection sugod na sa ilang kampanya

CEBU, Philippines – Sugdan karon sa Guadalupe Athletic Association (GAA) Selection ni playing coach Dr. Boy Te ang ilang kampanya sa dihang ilang sangkaon ang Scorpion sa seniors division sa Dino Faelnar's Cup 2009 basketball tournament diha sa Guadalupe Sports Complex.

Ang GAA Selection maoy paborito sa 15 ka teams nga mosakmit sa titulo sa seniors division.

Mag-abot sab ang dalan sa Rosal ug sa Jamaica sa laing duwa sa seniors division.

Ang Guadario mosuway sab sa pagkulit sa ilang ikaduhang daog dihang ilang harungon ang Eyha sa midget division, samtang ang Samantha mosuway sab og kulit sa labing unang daog sa ilang pakigsangka batok sa Caballes Compound sa laing duwa sa midget class. – BANAT NEWS